സുന്നത്ത് വൽജമാ‌അ സോങ്കാൽ: സ്ത്രീ ജുമുഅ ജമാഅത്ത്‌

അഹ്‌ലുസ്സുന്നത്തി വൽ ജമാ‌അ ത്തിനെ കുറിച്ച് വിശദമായി

കപടന്മാരുടെയും വ്യാജന്മാരുടെയും ഇടപെടലുകൾ കാരണം സത്യ ദീനായ ഇസ്‌ലാം പലവിധേന തെറ്റിദ്ധരിക്കപ്പെട്ട ഒരു കാലത്താണ് നാം ജീവിക്കുന്നത്. ഇൻഫർമേഷൻ ടെൿനോളജിയുടെ വ്യാപനം ഇതിന് ആക്കം കൂട്ടുകയും ചെയ്തു. മുസ്‌ലിം സാധാരണക്കാരെ ഇത്തരക്കാർ കെണിയൊരുക്കി കാത്തിരിക്കുകയാണ്. ഇത്തരം ഒരു ഘട്ടത്തിൽ യഥാർത്ഥ ഇസ്‌ലാം ഏതാണെന്ന് ഏതൊരാൾക്കും മനസ്സിലാക്കാൻ പറ്റുന്ന രൂപത്തിൽ ലളിതമായും വ്യക്തമായ തെളിവുകളുടെ അടിസ്ഥാനത്തിലുമുള്ള ഒരു പഠനമാണ് ‘അഹ്‌ലുസ്സുന്നത്തി വൽ ജമാ‌അ” എന്ന ഈ ബ്ലോഗ്സ് കൊണ്ടുദ്ദേശിക്കുന്നത്. അല്ലാഹു നമുക്ക് നല്ലത് പഠിക്കാനും അതനുസരിച്ച് ജിവിച്ച് ഹുസ്‌ൻൽ ഖാതിമത്തോടെ മരിക്കാനും തൌഫീഖ് നൽകട്ടെ ആമീൻ

ബ്ലോഗിനെ കുറിച്ച് രണ്ട് വാക്ക്.

അല്ലാഹുവിന്റെ മതമാണ് ഇസ്‌ലാം. വിശ്വാസം, കർമം, എന്നിങ്ങനെ രണ്ട് വശങ്ങൾ അതുൾക്കൊള്ളുന്ന. വിശ്വാസമാണ് കർമ്മത്തിന്റെ സാധുതയും സ്വീകാര്യതയും നിർണ്ണയിക്കുന്നത്. വിശ്വാസവൈകല്യം കർമ്മത്തിലെ വൈകല്യത്തേക്കാൾ അപകടമാണ്. ഒരു പുത്തൻവാദി തന്റെ പുത്തനാശയം ഒഴിവാക്കുന്നതുവരെ അവന്റെ ഫർളോ സുന്നത്തോ ആയ കർമ്മങ്ങൾ അല്ലാഹു സ്വീകരിക്കുകയില്ലെന്ന് നബി(സ) പ്രസ്താവിച്ചിട്ടുണ്ട്, നബി(സ)യും ലക്ഷക്കണക്കായ സ്വഹാബത്തും വരച്ചുകാണിച്ചുതന്ന വിശ്വാസങ്ങളും കർമ്മങ്ങളും മാത്രമാണ് ഇസ്‌ലാം അംഗീകരിക്കുന്നത്. അതിന്നെതിരെ പുത്തൻവാദികൾ നിർമിച്ചുണ്ടാക്കിയ വിശ്വാസങ്ങൾക്കോ കർമ്മങ്ങൾക്കോ ഇസ്‌ലാമിൽ സ്ഥാനമില്ല. അവ തള്ളപ്പെടണമെന്ന് നബി(സ) പ്രസ്താവിച്ചിട്ടുണ്ട്.

വിശ്വാസ രംഗത്തും കർമരംഗത്തും അഹ്‌ലുസ്സുന്നയും ബിദ്ഇകളും കൊമ്പുകോർക്കുന്ന വിഷയങ്ങൾ ക്രോഡീകരിച്ച് അഹ്ലുസ്സുന്നയുടെ വാദങ്ങളും പ്രമാണങ്ങളും ബിദ്ഇകളുടെ വാദങ്ങളും ഖണ്ഡനങ്ങളും ഉൾക്കൊള്ളിച്ച് തയ്യാറാക്കിയതാണ്. സുന്നി സോന്കാൽ എന്ന ബ്ലോഗ്. ഇതിൽ ഉൾക്കൊള്ളിച്ച ഓരോ വിഷയവും ഗഹനവും പഠനാർഹവുമാണ്. സരളമായ ശൈലിയിലും ലളിതമായ ഭാഷയിലുമാണ് വിഷയങ്ങൾ അവതരിപ്പിച്ചിരിക്കുന്നത്. അതിനാൽ എല്ലാവർക്കും വിഷയങ്ങൾ മനസ്സിലാക്കാൻ അനായാസം സാധിക്കും. ആയത്തുകളും ഹദീസുകളും അറബി ഉദ്ധരണികളും ഉൾപ്പെടുത്തിയതിനാൽ ഈ ബ്ലോഗ് പണ്ഡിതന്മാർക്കും മൂത്തഅല്ലിമീങ്ങൾക്കും സാധാരണക്കാർക്കും ഒരു പോലെ ഉപകരിക്കുമെന്ന ഉറച്ച വിശ്വാസം എനിക്കുണ്ട്. ഇത് വായിച്ചു പഠിക്കാനും മറ്റുള്ളവർക്കുകൂടി എത്തിച്ചുകൊടുക്കുവാനും അഭ്യർത്ഥിക്കുന്നു.

ഈ വിനീതൻ ഒരു പണ്ഡിതനല്ല. പണ്ഡിതന്മാരെ അങ്ങേയറ്റം സ്നേഹിക്കുന്നവനാണ്. എല്ലാ വിഷയങ്ങളിലും നൈപുണ്യം നേടിയ ഉസ്താദുമാരിൽ നിന്ന് കിട്ടിയ അറിവുകൾ മാത്രം. എന്റെ ജീവിതത്തിലെ വലിയ ഭാഗ്യമായി ഞാൻ ഇതിനെ കാണുന്നു.

ഗുരുവര്യർ പകർന്നുതന്നതും ശരിയാണെന്നു നൂറു ശതമാനം ഉറപ്പുള്ളതുമായ കാര്യങ്ങൾ മാത്രമാണ് ഈ ബ്ലോഗിൽ ഈ എളിയവനും ഉൾപ്പെടുത്തിയിട്ടുള്ളത്. അബദ്ധങ്ങൾ സംഭവിക്കാതിരിക്കാൻ പരമാവധി ശ്രമിച്ചിട്ടുണ്ട്. അബദ്ധങ്ങൾ മനുഷ്യ സഹജമായതിനാൽ ഇല്ലെന്നു അവകാശപ്പെടുന്നില്ല. അബദ്ധങ്ങൾ ചൂണ്ടിക്കാണിക്കുന്നവർക്കും ഉപദേശനിർദ്ദേശങ്ങൾ നല്കാനുദ്ദേശിക്കുന്നവർക്കും സ്വാഗതം.

ഈ ബ്ലോഗിൽ പലരോടും കടപ്പാടുണ്ട്. ഈ ബ്ലോഗിൽ നമ്മുടെ അത്യാവശ്യം അറിയുന്ന ഉസ്താദുമാരുടെയും വിഷയങ്ങളും ഉൾപ്പെടുത്തിയിട്ടുണ്ട്. ഇതിനു വേണ്ടി പ്രൂഫുകളും മറ്റും തന്നു വളരെ അധികം സഹായകമായ എം കെ അബ്ദുൽ അസീസ് സഖാഫിയുടെ പുസ്തകങ്ങൾ. നന്ദി വാക്കുകളി ഒതുക്കുന്നില്ല. അവർക്കും ഗുരുവര്യർ, മാതാപിതാക്കൾ, പഠനത്തിന് സഹായിച്ചവർ, ഇതിനു വേണ്ടി വളരെ അധികം പ്രോത്സാഹിപ്പിച്ചവർ , തുടങ്ങി എല്ലാവർക്കും അർഹമായ പ്രതിഫലം നൽകട്ടെ. ആമീൻ

എന്ന് .

മൂസാ സോന്കാൽ,ഉപ്പള
സോന്കാൽ.

സുന്നത്ത് ജമാഅത്ത്

Saturday 20 December 2014

സ്ത്രീ ജുമുഅ ജമാഅത്ത്‌

About Me

Share