മറ്റു മതസ്ഥരുടെ ഓണം, ക്രിസ്തുമസ് പോലെയുള്ള ആഘോഷങ്ങള്‍ ഒരു മുസ്ലിമിന് ആഘോഷിക്കാന്‍ പാടുണ്ടോ..
എല്ലാ ഓണത്തിനും ക്രിസ്മസിനും മുസ്ലീങ്ങള്‍ക്കിടയില്‍ ചര്‍ച്ചയാകാറുള്ള
ചില ചോദ്യങ്ങള്‍ക്ക് മറുപടി പറയാനുള്ള ശ്രമമാണ് ഇവിടെ നടത്തുന്നത്.
ഇപ്രകാരം മറുപടി നല്‍കാനുള്ള എന്റെ യോഗ്യത എന്ത് എന്നു ചോദിച്ചാല്‍ കഴിഞ്ഞ
പത്തുവര്‍ഷത്തോളം ഖുര്‍ആനും സുന്നത്തും മുസ്ലിം പണ്ഡിതന്മാരുടെ
അഭിപ്രായങ്ങളും ഞാന്‍ പഠിക്കാന്‍ ശ്രമിച്ചു എന്നാണ് ഉത്തരം. അനിസ്ലാമിക
ആഘോഷങ്ങളോടുള്ള കേരളത്തിലെ വിവിധ മുസ്ലിം സംഘടനകളില്‍ പെട്ട
പണ്ഡിതന്മാരുടെയും അന്താരാഷ്ട്ര പണ്ഡിതന്മാരുടെയും നിലപാടുകളും ഞാന്‍
മനസിലാക്കിയിട്ടുണ്ട്. അവയൊക്കെ മുന്നില്‍ വെച്ച് ഗൗരവത്തോടെ ചിന്തിച്ച
ശേഷമാണ് ഞാന്‍ ഈ മറുപടികള്‍ കുറിക്കുന്നത്. പരമാവധി സൂക്ഷ്മത പാലിക്കാന്‍
ശ്രമിച്ചതിനാല്‍ മറുപടികള്‍ തെറ്റിയാലും മുഹമ്മദ്‌ നബി(സ) പറഞ്ഞതു പോലെ
അല്ലാഹുവില്‍ നിന്ന് ഒരു പ്രതിഫലവും ശരിയായാല്‍ രണ്ടു പ്രതിഫലവും കിട്ടും
എന്നു പ്രതീക്ഷിക്കുന്നു. (ബുഖാരി) ഈ മറുപടികള്‍ പൂര്‍ണമായും എന്റെ
മറുപടികള്‍ മാത്രമാണ്. ഒരു പ്രസ്ഥാനത്തിനും ഈ മറുപടികളുടെ കാര്യത്തില്‍
യാതൊരു പങ്കുമില്ല. ചോദ്യോത്തരങ്ങളിലൂടെ കടന്നു പോയാലും;
